Fisioterapia zentroa Oñatin
ZUTIK FISIOTERAPIAN , mina, mugitzeko ezintasuna edota indar falta duten pertsonei laguntzen diegu, gure helburua beti funtzioa berreskuratu eta eguneroko jardueretara ziurtasunez itzultzea izanik.
Tratamendu bakoitza, balorazio pertsonalizatu batekin hasiko dugu, zer gertatzen ari den aztertu, egunerokotasuna nola mugatzen duen ikusi eta tratamendurik eraginkorrena aukeratu ahal izateko.
Gure lan egiteko modua Zutik Fisioterapian
Zutik fisioterapian ez gara unean uneko sintomak arintzera mugatzen. Zer gertatzen ari den ulertuta, zure funtzioa berreskuratzen eta berriz lesionatzeko arriskua murrizten saiatuko gara. Horretarako, esku terapia, ariketa terapeutikoa eta kasu bakoitzerako egokiena den teknologia konbinatzen dituen tratamendu bat eskainiko dizugu.
Gure zerbitzuari buruzko zalantzaren bat izanez gero, ohiko galderak atalean kontsultatu dezakezu. Ohiko galderak.
Kasu hauetan lagundu zaitzakegu
Zein arazo tratatzen ditugu gure zentroan?
Zure beharretara egokitzen diren tratamenduak
Esku terapia
Arazo muskulo-eskeletikoek eragindako min eta ezintasunak arintzeko eskuen erabileran oinarritzen den fisioterapiaren adarra da. Esku terapiak barne hartzen ditu mobilizazio edo manipulazio artikularrak, masajea, terapia miofasziala, luzaketak...
Diatermia
Gorputzeko ehunetan tenperatura igoera bat eragiten duen frekuentzia altuko elektroterapia aparatua da. Tenperatura igoera honek, ehunen oxigenazioa handitzen duenez, minaren murrizketa, ehunen erregenerazioa hobetzea eta kontraktura muskularren erlaxazioa eragingo ditu.
Magnetoterapia superinduktiboa
Gorputz atal baten gainean potentzia altuko eremu magnetiko bat aplikatzean oinarritzen den fisioterapiako teknika bat da. Tratamendu honek, ehunen erregenerazioa hobetzea eta nerbio sistemaren estimulazioa burutuko ditu.